[.. قل للصديق اللي حدانا على الضيق ..]

مابلت الدنيا ظمـا ناشـف الريـق
ولابـان بوجيـه الرفاقـه رفاقـه

قل للصديق اللي حدانا على الضيق
لابوه عـرف ولعنبوهـا صداقـه

فالصوت نبرات التعاسه مواريـق
يامن يرد العلـم لاهـل العلاقـه

ويقول ماللحـر غيـر الشواهيـق
لوتعشق سبوقه ثرى ارضه عشاقه

الله خلـق للمرجلـه نـاس تليـق
بالمرجله وألهـا لسـان وطلاقـه

ارواحنا لاهل الوجيـه المطاليـق
لاشان توفيـق الزمـان وخلاقـه

وحنا لو ان الهـم فينـا طواريـق
نكسر على خطواتنا عظـم ساقـه

ماننشد الونه عن اقصـا المعاليـق
الهرج نفهـم غايتـه مـن سياقـه

والى غدا المعنا سوالف واراويـق
مانحسـد الحـلاق فـن الحلاقـه

كم جملة فيهـا المعانـي تفاريـق
تقلـع مـدى مـن لاتمنـا فراقـه

والوقت لا خلا دروبـك مغاليـق
تـرى تباشيـر الفـرج فانغلاقـه

قم جر صوت معكسات الطواريق
المـوت واحدوالحماقـه حماقـه

لا صار شمسي تنقري فالمشاريق
مااقول مالي في عنا الوقت طاقـه

مانيب من يغفي به الوقت ويفيـق
انـا بـدوي تكفيـه حنـة نياقـه

الله الله خطنطيره يعطيكـ العافيه يالغلا

^_^

» طلع اشاعه في العضو اللي قبلك
» اليابانيين يشوفو اللي مانشوفه !!